ಇವಳು ಹೆತ್ತವಳು..ಅವಳು ಕನಸುಗಳ ಹೊತ್ತವಳು...ಚಿತ್ರ : ಮೇಘಮಾಲೆ.....(1994)

ಚಿತ್ರ : ಮೇಘಮಾಲೆ.....(1994)

ಸಾಹಿತ್ಯ:ನಾದಬ್ರಹ್ಮ ಹಂಸಲೇಖ....

ಗಾಯಕರು : ಡಾ|| ಎಸ್.ಪಿ.ಬಿ...

----------------------------------------------------

ಓಂ ಪ್ರಥಮೋಂ ಪ್ರಥಮೋಂ ಪ್ರಥಮೋಂ  

ಪ್ರೇಮ್ ಪ್ರಥಮೋಂ ಪ್ರಥಮೋಂ  ಆ ಆ  ಆ...

ಇವಳು ಹೆತ್ತವಳು..ಅವಳು ಕನಸುಗಳ ಹೊತ್ತವಳು

ಇವಳು ತುತ್ತವಳು...ಅವಳು ಮುತ್ತುಗಳ ಇತ್ತವಳು

ತಾಯಿ ಬಳ್ಳಿ..ಹೂವಾದೆ

ಪ್ರೇಮಿ ಹಾಡೊ..ಹಾಡಾದೆ

ಹೆತ್ತವಳೋ..ಹೊತ್ತವಳೋ..ತುತ್ತವಳೋ..ಇಲ್ಲ ಮುತ್ತವಳೊ

ಇವಳು ಹೆತ್ತವಳು..ಅವಳು ಕನಸುಗಳ ಹೊತ್ತವಳು

ಇವಳು ತುತ್ತವಳು...ಅವಳು ಮುತ್ತುಗಳ ಇತ್ತವಳು

ತಾಯಿ ಆಣೆ ಹೇಳಿ..ಪ್ರೀತಿ ಮಾಡಿದೆ

ಆಣೆ ಈಗ ದಾರಿ..ಕಾಣದಾಗಿದೆ

ತಾಯಿ ಮಾತೆ ಇಲ್ಲಿ..ವೇದವಾಗಿದೆ

ವೇದಘೋಷವೆಲ್ಲ..ಪ್ರೇಮವಾಗಿದೆ

ದೈವ ಒಂದೆಡೇ..ಜೀವ ಒಂದೆಡೇ

ಧರ್ಮ ಸಂಕಟ...ಎತ್ತಿದೆ ಹೆಡೇ

ಇವಳು ಹೆತ್ತವಳು..ಅವಳು ಕನಸುಗಳ ಹೊತ್ತವಳು

ಇವಳು ತುತ್ತವಳೂ...ಅವಳು ಮುತ್ತುಗಳ ಇತ್ತವಳು

ಇವಳು ಅಮೃತ..ಅವಳು ಸುಕೃತ

ಇವಳು ಚೇತನ..ಅವಳು ಬಂಧನ

ತಾಯಿ ನುಡಿದರೆ..ಲೋಕ ಸಮ್ಮತ

ಪ್ರೇಮಿ ನುಡಿದರೆ..ನ್ಯಾಯ ಸಮ್ಮತ

ಲೋಕ ನಿಂದನೆ...ತಾಯ ತೊರೆದರೆ

ಆತ್ಮ ವಂಚನೆ..ಪ್ರೇಮ ತೊರೆದರೆ

ಇವಳು ಹೆತ್ತವಳು..ನೂರು ನೋವುಗಳ ಹೊತ್ತವಳು

ಅವಳು ಮುತ್ತವಳು..ಕೋಟಿ ಕನಸುಗಳ ಹೊತ್ತವಳು

ತಾಯಿ ಬಳ್ಳಿ..ಹೂವಾದೆ

ಪ್ರೇಮಿ ಹಾಡೊ..ಹಾಡಾದೆ

ಕಂಪಿರದ ಇಂಪಿರದ..ಹೂವಾದೆ...ಅಳುವ ಹಾಡಾದೆ

ಇವಳು ಹೆತ್ತವಳು..ನೂರು ನೋವುಗಳ ಹೊತ್ತವಳು

ಅವಳು ಮುತ್ತವಳು..ಕೋಟಿ ಕನಸುಗಳ ಹೊತ್ತವಳು