ಕನ್ನಡದ ಸಿದ್ಧ, ಹಾಡೋದಕ್ಕೆ ಎದ್ದ.. ಕನ್ನಡಕ್ಕೆ ಇವನು, ಸಾಯೋದಕ್ಕೂ ಸಿದ್ಧ..

ಚಿತ್ರ : ಮೋಜುಗಾರ..ಸೊಗಸುಗಾರ(1995)

ಸಾಹಿತ್ಯ : ಹಂಸಲೇಖ

ಗಾಯಕರು :ಡಾ|| ವಿಷ್ಣುವರ್ಧನ್

ಕನ್ನಡದ ಸಿದ್ಧ, ಹಾಡೋದಕ್ಕೆ ಎದ್ದ..

ಕನ್ನಡಕ್ಕೆ ಇವನು, ಸಾಯೋದಕ್ಕೂ ಸಿದ್ಧ..

ಕನ್ನಡವೇ ನಮ್ಮಮ್ಮ ಅವಳಿಗೆ ಕೈಮುಗಿಯಮ್ಮ

ಮಾತಾಡೋ ದೇವರಿವಳು, ನಮ್ಮ ಕಾಪಾಡೋ ಗುರು ಇವಳು

ಕನ್ನಡವೇ ನಮ್ಮಮ್ಮ ಅವಳಿಗೆ ಕೈಮುಗಿಯಮ್ಮ

ನಲಿದಾಡೋ ನೀರಿವಳು, ನಾ ಉಸಿರಾಡೋ ಕಾಡಿವಳು

ಬರೆಯೋರ ತವರೂರು..ನಡೆಯೋರ ಹಿರಿಯೂರು

ನಟಿಸೋರ ನವಿಲೂರು..ನುಡಿಸೋರ ಮೈಸೂರು

ಕೂಡಿದರೇ ಕಾಣುವುದು, ಎದೆಯೆಲ್ಲ ಹಾಡಾಗುವುದು

ಮಧುರ ಮಧುರಇದು.. ಅಮರ ಅಮರಇದು

ಕನ್ನಡವೇ ನಮ್ಮಮ್ಮ ಅವಳಿಗೆ ಕೈಮುಗಿಯಮ್ಮ

ಮಾತಾಡೋ ದೇವರಿವಳು, ನಮ್ಮ ಕಾಪಾಡೋ ಗುರು ಇವಳು

ಈ ಭಾಷೆ ಕಲಿಯೋದು, ಬೆಣ್ಣೆನ ತಿಂದಂತೆ

ನಮ್ಮ ಭಾಷೆ ಬರೆಯೋಕೆ, ಕಲಿಸೋರೆ ಬೇಡಂತೆ

ಹಾಡಿದರೆ ನುಲಿಯುವುದು, ಮೈತುಂಬಾ ಓಡಾಡುವುದು

ಸರಳ ಸರಳಇದು.. ವಿರಳ ವಿರಳಇದು

ಕನ್ನಡವೇ ನಮ್ಮಮ್ಮ ಅವಳಿಗೆ ಕೈಮುಗಿಯಮ್ಮ

ಮಾತಾಡೋ ದೇವರಿವಳು, ನಮ್ಮ ಕಾಪಾಡೋ ಗುರು ಇವಳು

ಕನ್ನಡವೇ ನಮ್ಮಮ್ಮ ಅವಳಿಗೆ ಕೈಮುಗಿಯಮ್ಮ

ನಲಿದಾಡೋ ನೀರಿವಳು, ನಾ ಉಸಿರಾಡೋ ಕಾಡಿವಳು

ಸಿದ್ಧವೋ, ಸಿದ್ಧವೋ ಕನ್ನಡಕ್ಕೆ ಸಾಯಲು..

ಸಿದ್ಧವೋ, ಬದ್ಧವೋ ಕನ್ನಡಕ್ಕೆ ಬಾಳಲು..